مصطفى العنزي

  مساء الخير ضلوع اولا اسف على التاخير بسبب انقطع بلانترنت  احتاريت واني كل يوم اعيد نفس الدراسه والقوانين والقواعد حسيت بملل بس عندي دافع الاستمرار واريد اكمل لان بديت بهذه الطريق ومستحيل اتركه على النص او اتركه بعد ال 29 يوم فكرت بطريقه مختلفه وحاولت اتعلم بطريقه جديده وهيه اقراء قصص ادب انكليزيه واتناقش مع اصدقاء اجانب واكون صداقات اجنبيه حتى اعرف لغه الشارع واختصار الجمل والكلمات تعرفت على ثنين اجانب عن طريق لعبه قراند 5 ( حياة واقعيه ) وبقيت اسولف وياهم لوقت طويل واتعلمت الاكسنت مالتهم وشلون اكدر اختصر كلمات طويله بكلمات قصيره وسهله الفهم والحفظ . واجهتني مشاكل بلنت لان الالعاب تحتاج نت قوي واني من محبين الالعاب حبيت ادمج بين الفكرتين العب واتعلم بنفس الوقت والحمد لله بعد صراعات داميه مع الانترنت كدرت انجز الشي الي ابالي وافكر خارج الصندوق الي هيه يوتيوب او كورس هذه الاشياء اكيد الها فائدتها بس مابيها متعه مثل من تلعب مع اجانب وتضحك وتسولف تحس نفسك منهم. بلبدايه طبعا خفت اكول كلمات خطا وياهم واتفشل بس تذكرت كلام مرتضى من يكول الهدف هوه تتغلب على مخاوفك واستمريت بلشي الاسويه وبلعكس

اليوم العاشر من المتعه  السلام عليكم انا كل يوم ادخل قناة  ZAmericanEnglish   ملتزم بلكورسات الي ينزلها لان كلش افهم عليه وبعد كل فيديو اعيد الفيديو واسجل ملاحظاتي على الي ادرسه والشي الي افهمه ادخل للكروب اشوف منو يسئل عنه واجاوبه اعتبرها ممارسه للي تعلمته وبليل كل يوم نصعد مكالمه بلتلي ونسولف بلشي الي تعلمنا ونطبقه بللغه الانكليزيه طبعا .  هدفي جان هوه اتقان اللغه الانكليزيه والتحدث بها بسلاسه ومعرفه الاخطاء الي عندي وتصحيحها من شفت التحدي صارلي واهس وشاركت بعد التحدي راح نطلع كلنا فايزين بتعلم شغلات جديده واتقان شغلات جديده .  من اليوم الاول الى الان حليت مشكلتين جانت تواجهني هيه سلاسه النطق الي تتسمى tongue twister وساعدني كلش  فيديو  على اليوتيوب وماانسى فضل شباب القروب الي نطوني اسم المشكله وخلوني ابحث عنها واعرف مشكلتي اكثر واوصل لحلها  المشكله الثانيه هيه قله المفردات وتعلمت هوايه مفردات من تطبيق 1000 كلمه ومن قاموس اكسفورد المصور بمساعده ريهام العاني  المصادر الي اعتمد عليها هيه يوتيوب وتطبيق والقاموس اعتبرها الافضل تواجد عندي حاليا ان شاء الله بلمستقبل نعرف مصارد اكثر ونتعلم

 مرحبا  انا في اليوم الاول من تعلم اللغه الانجليزيه    هنا احاول تعلم كلمات جديده واضعها في جمل مع قناة  ZAmericanEnglish   بكل شيء توجد صعوبه في اليوم الاول . بهذه التحدي و بروح المنافسه مع الشباب ماكو صعوبات وكلش ممتع الانجليزي حفظ مفردات بلنسبه لليوم الاول جان شي حلو عرفت اكثر من 73 مفرده جديده وتعلمت شلون احطهن بجمل مفيده بلترتيب وبعد كل درس اعرفه ادون الكلمات العرفتهن حتى احفظهن ويبقن على بالي واتدرب على لفظهن اكثر صار اكثر من 3 ونص ادرس وحاليا راجع ارتاح وادور على مصادر مفيده للايام الجايه بعد مااكمل الكورس الدخلته باقي الجمل ونشاركم بلجديد بليوم الثاني . وداعا.

مرحبا  انا مصطفى من هواياتي اتعلم اللغه الانجليزيه لان اغلب حياتنا تعتمد على هاي اللغه بصوره كبيره كلنا نعرف للغه ونعرف اساسياتها بس مو ضابطينا  .   بهذه اليوم صار اجتماع بااصدقاء جدد مع صاحب  التحدي المو استاذ مرتضى التميمي  بتاريخ 2021/06/23 قرر يسوي تحدي ال 29 يوم  تتعلم مهاره جديده عجبتني الفكره كلش وحبيت اشارك  اولا اتعلم الانجليزيه بصوره صحيحه وبروح تحدي مع الشباب .  خلال 29 يوم راح نتعلم اللغه الانجليزيه واشارك صور وشنو تعلمت وطريقه تعلمي هنا وانشاء الله التحدي الاول هوه اللغه الانجليزيه  وراح نستمر بلتحديات اكثر واكثر راح نبدأ من اليوم بتاريخ 2021/06/23 . اني كل سنه اسوي اهداف احققها خلال هاي السنه وانشاء الله وياكم راح نحقق الهدف الاول . من اهدافي : * تعلم اللغه الانجليزيه 100% * تعلم البرمجه والتخصص فيها * الحصول على شهاده من شركه عالميه  راح نحقق الهدف الاول سويه وبعدين نتطرق للاهداف الباقيه .  اخيرا وليس اخرا احب اكول شكرا مرتضى من عرفتك  حياتي نحو الافضل وانشاء الله مستقبلي للافضل . نشوفكم بلمشاركات الجايه . وداعا .