تحدي 29 يوم - اليوم العشرين #20
مساء الخير ضلوع
اولا اسف على التاخير بسبب انقطع بلانترنت
احتاريت واني كل يوم اعيد نفس الدراسه والقوانين والقواعد حسيت بملل بس عندي دافع الاستمرار واريد اكمل لان بديت بهذه الطريق ومستحيل اتركه على النص او اتركه بعد ال 29 يوم فكرت بطريقه مختلفه وحاولت اتعلم بطريقه جديده وهيه اقراء قصص ادب انكليزيه واتناقش مع اصدقاء اجانب واكون صداقات اجنبيه حتى اعرف لغه الشارع واختصار الجمل والكلمات تعرفت على ثنين اجانب عن طريق لعبه قراند 5 ( حياة واقعيه ) وبقيت اسولف وياهم لوقت طويل واتعلمت الاكسنت مالتهم وشلون اكدر اختصر كلمات طويله بكلمات قصيره وسهله الفهم والحفظ .
واجهتني مشاكل بلنت لان الالعاب تحتاج نت قوي واني من محبين الالعاب حبيت ادمج بين الفكرتين العب واتعلم بنفس الوقت والحمد لله بعد صراعات داميه مع الانترنت كدرت انجز الشي الي ابالي وافكر خارج الصندوق الي هيه يوتيوب او كورس هذه الاشياء اكيد الها فائدتها بس مابيها متعه مثل من تلعب مع اجانب وتضحك وتسولف تحس نفسك منهم.
بلبدايه طبعا خفت اكول كلمات خطا وياهم واتفشل بس تذكرت كلام مرتضى من يكول الهدف هوه تتغلب على مخاوفك واستمريت بلشي الاسويه وبلعكس شفت رحابه صدر من الاجانب ويحبون بساعدوني ونسيت شي اسمه خوف وياهم حسيتهم اصدقاء .
وطبعا بلمقابل ماهملت القواعد وجاي ادرس كورس على يوديمي ومستمر بلشغلتين سوى .
واخيرا وليس اخر ممتن لكلمات التحفيز الي تجي منكم لانها خلتني اصفن وافكر شلون اتعلم واستمتع بنفس الوقت
وممتن للضلع قاسم نصرت لان دزلي كورسات على يوديمي وعرفني ع البرنامج
وكل الشكر للضلوع الي ويانه لان يشعلون روح المنافسه احبهم كلهم .
تعليقات
إرسال تعليق