تحدي 29 يوم - اليوم العاشر #10
 |
اليوم العاشر من المتعه
السلام عليكم انا كل يوم ادخل قناة ZAmericanEnglish ملتزم بلكورسات الي ينزلها لان كلش افهم عليه وبعد كل فيديو اعيد الفيديو واسجل ملاحظاتي على الي ادرسه والشي الي افهمه ادخل للكروب اشوف منو يسئل عنه واجاوبه اعتبرها ممارسه للي تعلمته وبليل كل يوم نصعد مكالمه بلتلي ونسولف بلشي الي تعلمنا ونطبقه بللغه الانكليزيه طبعا .
هدفي جان هوه اتقان اللغه الانكليزيه والتحدث بها بسلاسه ومعرفه الاخطاء الي عندي وتصحيحها من شفت التحدي صارلي واهس وشاركت بعد التحدي راح نطلع كلنا فايزين بتعلم شغلات جديده واتقان شغلات جديده .
من اليوم الاول الى الان حليت مشكلتين جانت تواجهني هيه سلاسه النطق الي تتسمى tongue twister وساعدني كلش فيديو على اليوتيوب وماانسى فضل شباب القروب الي نطوني اسم المشكله وخلوني ابحث عنها واعرف مشكلتي اكثر واوصل لحلها
المشكله الثانيه هيه قله المفردات وتعلمت هوايه مفردات من تطبيق 1000 كلمه ومن قاموس اكسفورد المصور بمساعده ريهام العاني
المصادر الي اعتمد عليها هيه يوتيوب وتطبيق والقاموس اعتبرها الافضل تواجد عندي حاليا ان شاء الله بلمستقبل نعرف مصارد اكثر ونتعلم اكثر .
جنت يوميا ادرس 3 ساعات بس جنت استمتع بدراستي صرت اقضي وقت اكثر على التعلم الي هيه تقريبا 4-5 ساعات لان عندي وقت فراغ كبير استغله بلدراسه والتعلم .
وانا كلش ماراضي بتقدمي اطمح اتعلم اكثر بوقت اقل وسبب تاخري هوه التدقيق المفصل بلموضوع حتى افهمه زين وان شاء الله اكدر احقق جهد اكثر بلايام القادمه .
خلال هاي الفتره تعلمت
• القواعد
منها
1 - a - an - the
2 - in - on - at
3 - المضارع ( البسيط - المستمر - التام )
4 - الماضي ( البسيط - المستمر )
5 - الفرق بين الماضي البسيط والمضارع التام
• مفردات
1 - اكثر من 500 مفرده جديده وحطيتهم بجمل مفيده .
خلال هذه التحدي حسيت بخوف من تعلم شي جديد انو اني مااكدر واحتمال افشل بس كل مااتعلم اكثر جان يقل الخوف ويصيرلي دافع اكثر .
وطبعا فاجئتني مشكله
tongue twister جنت ماادري مشكله عامه واغلب الناس تعاني منها جنت عبالي بس اني هههههه .
طبعا جان هدفي الاول هوه تعلم شي مفيد والى الان هذه هدفي بعد 29 يوم اشوف نفسي وين جنت ووين صرت
وبلختام اكول
شكرا لفريق التحدي لان يحفزونا
وشكرا للمشاركين لان حلينه مشاكل سوى
وشكرا لنفسي لان اكتشفت اني اكدر احل مشاكلي بسهوله واكدر اتعلم يسهوله
التطبيق و القناة رائعة جدا استمر بيها و بالتوفيق
ردحذفشكراً الك حياتي التوفيق للجميع
حذف